கோயில்களில் "பஞ்சகவ்ய அபிசேகம்" ஏன் செய்யப்படுகின்றது ? : மூலிகை வசிய மை "வாராகி".

கோயில்களில் "பஞ்சகவ்ய அபிசேகம்" ஏன் செய்யப்படுகின்றது ? : மூலிகை வசிய மை "வாராகி".

பஞ்சகவ்யம் : 

                    "பஞ்ச" என்றால் 'ஐந்து' மற்றும் "கவ்யம்" என்றால் 'பசுவிடமிருந்து' எனப் பொருள்படும். 

பசுவிடம் இருந்து பெறப்படும் 5 மூலப்பொருட்களான

1. சாணம், 

2. கோமியம், 

3. பால், 

4. நெய், 

5. தயிர் 

இவை ஐந்தையும், சரியான விதத்தில் கலந்து தயாரிக்கப்படுவதே "பஞ்சகவ்யம்" எனப்படும். 

                    இது இந்து சமய இறை வழிபாட்டின் போது; முக்கியப் பூசை பொருளாகவும், ஆயுர்வேத வைத்தியம், வேளாண்மைப் பயிர் பாதுகாப்பிலும் பயன்படுத்தப்படுகிறது. 

                    இந்த பஞ்சகவ்யத்தில்; பசும் பாலில் சந்திரனும், பசுவின் தயிரில் வாயு பகவானும், கோமியத்தில் வருண பகவானும், பசும் சாணத்தில் அக்னி தேவனும், நெய்யில் சூரிய பகவானும் இருக்கின்றனர். 

பஞ்ச கவ்யத்தால் அபிஷேகம் செய்கின்ற போது கிடைக்கின்ற பயன்கள்:

1. பசும்பால் - ஆரோக்கியம், ஆயுள் விருத்தி.

2. பசுந்தயிர் - பாரம்பரிய விருத்தி.

3. பசும்நெய் - மோட்சம்.

4. கோசலம் - தீட்டு நீக்கம்.

5. கோமலம் - கிருமி ஒழிப்பு.

                    கோயில் கருவறைகளில் நிறுவப்பட்டுள்ள சிலைகள், எப்போதும் குளிர்ச்சியில் இருக்கின்றன. பெரும்பாலான கருவறைகளில், சூரிய ஒளி புகுந்து படிவதில்லை. எனவே; மிகக் குளிர்ச்சி, மிகுந்த இருட்டின் காரணமாகக் கருவறைகள், சிலைகள், இடுக்குகள், பிளவுகள் போன்ற இடங்களில் கிருமிகளும், பாசிகளும், பூச்சிகளும் வளர்வதற்கு வாய்ப்புகள் அதிகம். அவற்றை முழுமையாக அழிக்கின்ற ஆற்றல் இந்தப் பஞ்சகவ்யத்திற்கு உண்டு என்பதால், கோயில்களில் "பஞ்சகவ்ய அபிசேகம்" செய்யப்படுகின்றது.